The Fire Inside Me - Poem of the week - 12

मन आगो

सल्की रहन्छ धुँवा नआइ

भित्र भित्रै मन आगो

डर लाग्दो हुन्छ वन भन्दा

नदेखिने मन आगो

छिटै फैलिन्छ वन भन्दा मन आगो

निभाउन गार्हो हुन्छ वन भन्दा मन आगो

डर लाग्दो हुन्छ वन भन्दा

नदेखिने मन आगो

लाख कोसिस गरे निभ्ला बरु

विशाल फैलिएको वन आगो

निभदैन सात बादल झरे पनि

दन दनी सल्केको मन आगो

डर लाग्दो हुन्छ वन भन्दा

नदेखिने मन आगो

नबाल मनमा मेरो आगो

तिमीतिर थाहै नपाइ सर्न सक्छ

मैलै रोक्न खोज्दा खोज्दै

तिम्रो अस्तित्व खरानी बन्छ

निर्दयी हुन्छ अति अति

वन भन्दा मन आगो

डर लाग्दो हुन्छ वन भन्दा

नदेखिने मन आगो

विश्वराज अधिकारी