बाटो
म बाटो हुँ
म केवल देख्न सक्छु
तर केहि गर्न सक्तिन
म माथि उफ्रेर मलाई प्रहार गर्नेहरुलाई
मलाई भत्क्याएर बेरुप बनाउनेहरुलाई
म केहि गर्न सक्तिन
म विवश छु किनभने म बाटो हुँ
सधै अरुद्वारा उपयोग हुनु मेरो नियति हो
म माथि बुट बजाउनेहरु
गोली चलाउनेहरु
म माथि उफ्रिदै
आफ्नो गन्तव्यमा पुग्नेहरु
स्वार्थी भएको देखेको छु
म साक्षी छु तिनको धूर्तताको
तर पनि म केहि गर्न सक्तिन
म विवस छु
किनभने म बाटो हु
तर साबधान!
तिम्रो अत्याचारले सिमा नाघे पछि
म उठ्ने छु
पहाड झै
अनि थिच्ने छु तिमीलाइ
तिम्रो अस्तित्व समाप्त पार्न
विश्वराज अधिकारी
No comments:
Post a Comment