यही सोंच्न कर लाग्छ
आज भोलि मान्छेहरु किन
केवल अनेक छल लाग्छ
स्वार्थ र लोभ हुर्काउने
आधुनिक मल लाग्छ
आफ्नै स्वार्थको भारले
थिचिएका छन सबै
जसलाई हेर्यो भास्सिंदै छन
कहिले नउठ्ने हुन कि
कहाली लाग्दो डर लाग्छ
कहिले नअघाउने भोक छ
अन्तहीन आवश्यकतामा न कुनै रोक छ
जिवनको हर घडिमा केवल
अपार धन सुबिधाको मोह छ
हरेक दिन मानिस लोभमा सुत्छ
लोभमा नै जाग्छ
मानिसले अब त आफूलाई नै भुल्ने हो कि
हरपल यही सोंच्न कर लाग्छ
विश्वराज अधिकारी
No comments:
Post a Comment