At The End of The Night-Poem of the week-36

केवल एक पहर बाँकी छ

रातको केवल एक पहर बाँकी छ

भन्नु पर्ने कुरा कति कति बाँकी छ

नसोँचेको कहाँ हो र तारा टिपि निधार भरि सजाउने

इन्द्रेणीको सातै रंग मुहारमा फैलाउने

आकास छुने रहरमा केवल पछारिऐं यसरी

चोट चोट पिडै पिडा शरीर भरि बेस्सरी

रातको केवल एक पहर बाँकी छ

भन्नु पर्ने कुरा कति कति बाँकी छ

जीवन केवल दुखै दुखको सार भयो

घाटामा रित्तिएको वेपारीको वेपार भयो

रातको केवल एक पहर बाँकी छ

भन्नु पर्ने कुरा कति कति बाँकी छ

इच्छा सागर फेलियो सुदूर सुदूर देशमा

लालसा चारै तिर जिवनको भेषमा

समय आगोमा जलेर आकांक्षा महल खरानी भयो

जहिले पनि ओर्हालो देख्न अब त बानी भयो

रातको केवल एक पहर बाँकी छ

भन्नु पर्ने कुरा कति कति बाँकी छ

उमेर राजमार्गमा दौड यो जिन्दगी

गन्तव्यहीन दिसामा भौतारिएको कहानी

दौडिंदा दौडिंदै केहि पाउला अटुट आश छ

नमेटिएको मसँग अझै एउटा प्यास छ

रातको केवल एक पहर बाँकी छ

भन्नु पर्ने कुरा कति कति बाँकी छ

विश्वराज अधिकारी