The System We Are Looking For - Poem of the Week - 9

तन्त्र खोज्नु छ   

मनलाई मनले जोड्ने मन्त्र खोज्नु छ

सबै अटाउने तन्त्र खोज्नु छ

अविश्वासको धुवाँले कालो भएको छ आकास

हराएको जस्तो छ माया प्रेमको प्रकाश

अन्ध्यारोमा रुमल्लिएको जिन्दगीको निकास खोज्नु छ

मुहारमा खुसी पोतिएको चित्र कोर्नु छ

मनलाई मनले जोड्ने मन्त्र खोज्नु छ

सबै अटाउने तन्त्र खोज्नु छ

बिछोड होइन मिलनमा गाइने गीत बोल्नु छ

गुम्सिएको बेदनाको गाँठो खोल्नु छ

रोपेर वशन्त आँखामा सुगन्ध छर्नु छ

मन भित्र छरिएका  दुर्गन्ध हर्नु छ

मनलाई मनले जोड्ने मन्त्र खोज्नु छ

सबै अटाउने तन्त्र खोज्नु छ

विश्वराज अधिकारी