Like That-1-Poem of the week-29

यस्तो पनि (१) 

१

जिवनको पाइलाले जब उमेरको चुचुरो छुन्छ
आफ्नो सुकर्म र कुकर्म मान्छेले मनमनै गुन्छ

२

आफू बाहेक अरु सबैलाई मूर्ख देख्छ एक थरि मान्छे

होच्याउँदै अरुलाई ठान्छ सर्व श्रेष्ठ आफू अर्को थरि मान्छे

३

भीडमा कसैको पछि पछि लागेर जिन्दगी बिताउँछ एक थरि मान्छे

झुक्याएर सधैं भरि थुप्रैलाई आफ्नो पछि पछि लगाउँछ अर्को थरि मान्छे

४

कहिले दिन काट्नु पर्छ कहिले दिन आफै कट्छ

दिन त सबै उस्तै हुन भोगाईको अनुभूतिमा भर पर्छ

५

सुख सयल मात्रै नै भएको छ यो कारोबारी जिवनको सार

त्यसैले हुन थालेको छ आजभोलि भावनाको पनि व्यापार

क्रमश:

विश्वराज अधिकारी