लगाएँ भन्छौ गुन
रित्याएर मलाई भन्छौ लगाएँ खुब गुन
फलाममा पँहेलो पोतेर भन्छौ हेर यो हो सुन
भावनाको बेपार गर्छौ तोक्छौ मायाको मोल
लुकाएका छौ व्याँसो मनलाई ओढेर मानवताको खोल
जिन्दगीमा जित्न सधैँ भरि गरेउ अनेक अनेक झेल
बोल्न मात्र नसेका हुन सबैले बुझेर पनि तिम्रो खेल
सुन चाँदी रुपैया पैसा थुपारेर भन्छौ कमाएँ खुब धन
घाटामा छौ हेर सँधै कमाउन नसकेर आदर गर्ने मन
पशुले मात्र गर्छ सँधै भरि केवल आफ्नो पेट भर्ने जोहो
भोको पेट अरुको भरे पछि मात्र खाने आदर्श त्यो पो हो
विश्वराज अधिकारी
No comments:
Post a Comment