भागवत गीता अध्याय १६
श्रीभगवानुवाच
अभयं
सत्त्वसंशुद्धिर्ज्ञानयोव्यवस्थित:।
दानं दमश्च यज्ञश्च
स्वाध्यायस्तप आर्जवम्।।१।।
अहिंसा
सत्यक्रोधस्त्याग: शान्तिरपैशुनम्।
दया
भूतेष्वलोलुप्त्वं मार्दवं ह्रीरचापलम्।।२।।
तेज: क्षमा धृति:
शौचमद्रोहो नातिमानिता।
भवन्ति सम्पदं
दैवीमभिजातस्य भारत।।३।।
१-३
भगवान श्रीकृष्णले
आज्ञा गर्नु भयो
(अभयता, चित्तको
प्रशन्नता, ज्ञानप्रतिका लागि निष्ठा, दान, बाह्य इन्द्रियहरु माथि नियन्त्रण,
यज्ञ, स्वअध्ययन, तप, अन्त:करणको सरलता, अहिंसा, सत्यवादिता, अक्रोध, स्त्री,
पुत्र आदिमा ममताको त्याग, शान्ति, अरुको निन्दा नगर्नु, सम्पूर्ण प्राणीहरुमा दया
भाव, लोभ नहुनु, मृदुता, लाज, चंचलताहीन, तेज, क्षमाशील, धीरता, भित्र र बाहिरको शुद्धता,
द्रोहभावहीन, अअभिमानी, हे भारत यी गुणहरु त्यो व्यक्तिले पाउँछ जो दैवी
सम्पत्तिका साथ जन्मेको हुन्छ। अर्थात शुभ क्षणमा जन्मेकाहरुलाई यी गुणहरु प्राप्त
हुन्छ।)
दम्भो दर्पोSभिमानश्च क्रोध: पारुष्यमेव च।
अज्ञानं चाभिजातस्य
पार्थ सम्पदमासुरीम्।।४।।
(हे पार्थ, दम्भ, गर्व, अभिमान, क्रोध, निष्ठुरता,
र अज्ञानता आसुरी सम्प्तिका साथ जन्मेका व्यक्तिहरुलाई प्राप्त हुन्छ।)
दैवी सम्पद्
विमोक्षाय निबन्धायासुरी मता।
मा शुच: सम्पदं
दैवीमभिजातोSसि पाण्डव।।५।।
(हे पाण्डव,
दैवीसम्पत्ति मोक्षलाई र आसुरी सम्पत्ति बन्धनलाई भनिएको छ तर तिमीले
दैवीसम्पत्तिमा जन्म लिएको हुनाले तिमीले शोक गर्ने कारण छैन्।)
द्वौ भूतसगौं लोकेSस्मिन् दैव आसुर एव च।
दैवो विस्तरश:
प्रोक्त आसुरं पार्थ मे शृणु।।६।।
(हे पार्थ, यस जगतमा
दैवी र आसुरी गरी प्राणीहरुको स्वभावलाई दुई वर्गमा विभाजन गरिएको छ। यस मध्ये
दैवी स्वभाव बारे मैले विस्तारमा भने अब मबाट आसुरी स्वभाव बारे सुन।)
प्रवृत्तिं च
निवृत्तिचं च जना विदुरासुरा:।
न शौचं नापि चाचारो
न सत्यं तेषु विद्यते।।७।।
(आसुरी स्वभावका
व्यक्तिहरुमा धर्मप्रति लगाब राख्ने र अधर्म परित्याग गर्ने प्रवृति हुँदैन। उनीहरुमा शुद्धता, आचार र सत्यता पनि हुँदैन।)
नोट: कुन काम गर्नु
उचित र कुन गर्नु अनुचित छ भन्ने ज्ञान असुरहरुमा हुँदैन।
असत्यमप्रतिष्ठं ते
जगदाहुरनीश्वरम्।
अपरस्परसम्भूततं
किमन्यत् कामहैतुकम्।।८।।
(उनीहरु यस जगत् लाई
असत्य, आश्रयहीन, इश्वर नभएको, एक अर्काको संसर्ग द्वारा वा स्वत: उत्पन्न भएको
भन्दछन्। यति मात्र होइन, उनीहरु यो जगत् मात्र काममूलक रहेको मान्दछन्।)
एतां दृष्टिमवष्टभ्य
नष्टात्मानोSल्पबुद्धय:।
प्रभवन्त्युग्रकर्माण:
क्षयाय जगतोSहिता:।।९।।
(यस किसिमको आसुरी दृष्टिकोण
राखेर नष्टात्मा, अल्पबुद्धि, अरुको अहित गर्ने, क्रुर तथा दुष्टहरु यो जगत् को
क्षय गर्नका लागि जन्मेका हुन्छन्।)
काममाश्रित्य
दुष्पूरं दम्भमानमदान्विता:।
मोहाद
गृहीत्वासद्ग्राहान् प्रवर्तन्तेSशुचिव्रता:।।१०।।
(यिनीहरु कहिलै पनि पूरा
हुननसक्ने काम वासनाहरुको पछि लागेर, घमण्ड, मान, मदले युक्त भइ मोहमा परेर असत्य
सिद्धान्त लिन पुगेका हुन्छन् र यसकारणबाट खराब काम गर्नमा उत्प्रेरित रहन्छन।)
चिन्तामपरिमेयां च
प्रलयान्तामुपाश्रिता:।
कामोपभोगपरमा
एतावदिति निश्चिता:।।११।।
(यिनीहरु मृत्यु
नहुनजेलसम्म पनि गणना गर्न नसकिने एवं सीमाहीन चिंताहरुको बोझले थिचिएका हुन्छन् र
विषयहरुको भोग र सम्पत्ति सृजनालाई नै जीवनको उद्देश्य ठान्दछन।)
आशापाशशतैर्बुद्धा:
कामक्रोधपरायणा:।
ईहन्ते
कामभोगार्थमन्यायेनार्थसञ्चयान्।।१२।।
(असंख्य कामनाहरुको
बन्धक भएका तथा काम एवं क्रोधले युक्त यी आसुरी प्रवृतिक व्यक्तिहरु इन्दिय
सुख-भोग विलासका लागि अवैध तरिकाबाट धन कमाउन उद्धत रहन्छन्।)
इदमद्य मया लब्धमिमं
प्राप्स्ये मनोरथम्।
इदमस्तीदमपि मे
भविष्यति पुनर्धनम्।।१३।।
असौ मया हत:
शत्रुर्हनिष्ये चापरानपि।
ईश्वरोSहमहं भोगी सिद्धोSहं
बलवान् सुखी।।१४।।
आढ्योSभिजनवानस्मि कोSन्योSस्ति सदृशो मया।
यक्ष्ये दास्यामि
मोदिष्य इत्यज्ञानविमोहिता:।।१५।।
१३-१५
(उनीहरु के सोच्छन् भने आज मसँग यति सम्पत्ति छ
मेरो चतुराइले यो भन्दा अझ बढी कमाउने छु। अहिले मसँग यति सम्पत्ति छ पछि अझै बढी
कमाउने छु। ऊ मेरो सत्रु हो, मैले उसलाई मारेको छु र मेरा अन्य सत्रुहरु पनि
मदवारा मारिने छन। म हरेक कुराको स्वामी हुँ र म सर्वाधिक सुखी छु। म पूर्ण छु,
शक्तिमान छु र म सुखी छु। म अत्यधिक धनी छु र वरिपरिका मेरा बन्धु बान्धवहरु पनि
वैभवशाली छन्। म जत्तिको शक्तिशाली र खुसी कोही पनि छैन। म यज्ञ गर्नेछु र यसरी
मैले आनन्द प्राप्त गर्नेछु। तर उनीहरु (आसुरी प्रवृतिक) ले अज्ञानबाट भ्रमित भएर
यस्तो भन्ने गर्दछन्।)
अनेकचित्तविभ्रान्ता
मोहजालसमावृता:।
प्रसक्ता: कामभोगेषु
पतन्ति नरकेSशुचौ।।१६।।
(अनेक किसिमका
कामनाहरुबाट चित्त भ्रमित भएका, मोहको पासोमा बेरिएका र भोग विलासमा लिप्त रहने
यस्ता अपवित्रहरु नरकमा पतीत हुन्छन्।)
आत्मसम्भाविता स्तब्धा
धनमानमदान्विता:।
यज्ञन्ते
नामयज्ञैस्ते दम्भेनाविधिपूर्वकम्।।१७।।
(असुरहरु आफैले
आफ्नो प्रशंसा गर्ने एवं अविनम्र-घमण्डी हुन्छन्। धन र मानको मादलेयुक्त हुन्छन्। शास्त्र
र यसका विधिहरु थाहा हुँदैन। नाम मात्रको लागि, अविधिपूर्वक यज्ञ गर्दछन् जुन
घमण्डले गरिएको हुन्छ।)
अहंकारं बलं दर्पं
कामं क्रोधं च संश्रिता:।
मामात्मपरदेहेषु
प्रद्विषन्तोSभ्यसूयका:।।१८।।
(अहंकार, बल,
मूर्खता, काम र क्रोध जस्ता तत्वहरुले गर्दा अन्धा भएका असुरहरु तिनीहरुकै शरीरमा
र अरुहरुको शरीरमा रहेको मेरो उपस्थितिको द्वेष-निन्दा गर्दछन्।)
तानहं द्विषत:
क्रूरान् संसारेषु नराधमान्।
क्षिपाम्यजस्रमशुभानासुरीष्वेव
योनिषु।।१९।।
(साधुहरुको द्वेष
गर्ने ती पापाचारी र क्रुर नराधमहरुलाई म यो भौतिक संसारमा पटक पटक आसुरी योनीमा
उत्पन्न गराउँछु।)
आसुरीं योनिमापन्ना
मूढा जन्मनि जन्मनि।
मामप्राप्यैव
कौन्तेय ततो यान्त्यधमां गतिम्।।२०।।
(हे कौन्तेय, ती
मूढहरुले हरेक जन्ममा आसुरी योनीमा जन्म लिन्छन र मलाई प्राप्त गर्न असफल भएर त्यो
भन्दा पनि खराब गति पाउँछन्।)
त्रिविधं नरकस्येदं
द्वारं नाशनमात्मन:।
काम: क्रोधस्तथा
लोभस्तस्मादेतत्रयं त्यजेत्।।२१।।
(काम, क्रोध र मोह
गरी तीन द्वारहरु छन् जसले व्यक्तिलाई स्वयंले नै आत्मा नष्ट गर्नका नरकतिर
लैजान्छन्। त्यसकारण सबैले काम, क्रोध र मोह परित्याग गर्नुपर्दछ।)
एतैर्विमुक्त:
कौन्तेय तमोद्वारैस्त्रिभिर्नर:।
आचरत्यात्मन:
श्रेयस्ततो यति परां गतिम्।।२२।।
(हे कौन्तेय, जब
त्यक्तिले यी तिनै नरकका द्वारहरुबाट आफूलाई मुक्त पार्दछ तब उसले आफ्नो कल्याण
गर्दछ र उसले उत्तम गति पनि प्राप्त गर्दछ।)
य:
शास्त्रविधिमुत्सृज्य वर्तते कामकारत:।
न स सिद्धिमवाप्नोति
न सुखं न परां गतिम्।।२३।।
(तर जो व्यक्तिले
आफूखुसी आचरण गर्दछ र शास्त्रमा बताइएका विधिहरुको अवज्ञा गर्दछ उसले सुख र सिद्धि
पाउँदैन। उसले परागति-उत्तम गति पनि प्राप्त गर्दैन।)
तस्माच्छास्त्रं
प्रमाणं ते कार्याकार्यव्यवस्थितौ।
ज्ञात्वा
शस्त्रविधानोक्तं कर्म कर्तुमिहार्हसि।।२४।।
(त्यसकारण तिमीले के
कार्य गर्नु पर्ने हो र के नगर्नु पर्ने हो भन्ने कुराको निर्धारक शास्त्रहरुलाई
हुन देऊ। तसर्थ तिमीले शास्त्रका आदेश र शिक्षाहरुको मनन गर अनि सोही अनुसार
कार्यहरु गर पनि।)
सोरहौ अध्याय समाप्त
No comments:
Post a Comment